Версия для
слабовидящих

Больше . Сброс . Меньше

ОСНОВНОЙ САЙТ

Информационно-библиотечный центр

Сайдыы кэрдиистэрэ

Улуу педагог В.А. Сухомлинскай «Аа5ыы – аан дойдуну уонна бэйэни билинии түннүгэ» диэбитэ. Кинигэ иитэр, үөрэтэр күүhэ сүдү улахан. Аа5ар киһиттэн хаһан да куһа5ан киһи тахсыбат. Онон кыра эрдэхтэриттэн о5олорбутугар кинигэ5э тапталы иитии, толкуйдата үөрэтии, кинигэни аа5ыыга өй-санаа уостубат наадыйыытын үөскэтии, аа5ыы культуратын урдэтии – бүгүңңү учуутал, иитээччи сүрүн соруга.

Кырачаан о5олор оскуола боруогун атыллаан, билии киэң аартыгар киирэллэригэр учуутал сыралаах үлэтигэр бастакы көмөлөһөөччүтэ – оскуола библиотекара буолар. Кини о5олор  кинигэни до5ор оңостон, кинигэттэн үөрэнэн, киһиэхэ тиксиэхтээх үтүө хаачыстыбалары иңэринэрин туһугар дьулуһан үлэлиир.

ССРС Министирдэрин Сэбиэтин 1947сыл атырдьах ыйынаа5ы уураа5ынан    оскуолаларга библиотекалары тэрийии са5аламмыта. Бу уураахха оло5уран биhиги оскуолабытыгар 1947-1948 үөрэх дьылын са5аланыыта библиотека тэриллибитэ. Бастакы библиотекарынан учуутал үөрэхтээх Лаврова Ираида Васильевна анаммыта. Оскуолабыт библиотеката тэриллиэ5иттэн аа5ааччылар бол5омтолорун тардарга соруктанан үлэлиир.  Уhун  кэм устата үлэлээбит библиотекардарынан Борисова С.С., Яковлева К.П., Лаврентьева А.А., Попова Р.И., Капитонова Н.Н., Филиппова М.С. буолаллар. Араас кэмнэргэ  оскуола библиотекатыгар кылгас бириэмэ5э үлэлии сылдьыбыттара: Иванова В.Е., Барахсанова М.И., Карпова Т.П., Макарова М.Н., Саввина Л.П., Сивцева О.М., Лонгинова В.П., Гоголева Т.Н., Сергеева Н.Е., Макарова А.Н.

2005 сылтан библиотека сэбиэдиссэйинэн педагог үөрэхтээх, СР үөрэ5ириитин туйгуна Татаринова Людмила Романовна үлэлиир.  Пермякова Елена Иннокентьевна, үрдүк анал  библиотечнай, педагогическай үөрэхтээх 2006 сыллаахтан педагог-библиотекарынан, билигин ИКТ специалиhынан үлэлиир. 2011-2012 үөрэх дьылыгар саңа үөрэх системата киирбитинэн начальнай оскуола уонна орто оскуола холбоспута. Библиотекалар холбоhон «информационнай библиотечнай киин» тэриллибитэ. 29 сыл библиотечнай стажтаах,      СР үөрэ5ириитин туйгуна, начальнай оскуола библиотекара Аргунова Анастасия Егоровна педагог-библиотекарынан үлэтин сал5аабыта.