Версия для
слабовидящих

Больше . Сброс . Меньше

ОСНОВНОЙ САЙТ

Аан дойдутаа5ы оскуола библиотекаларын күнүгэр аналлаах деката отчуота (21.10.18-31.10.18)

Үгэс буолбут аан дойдутаа5ы оскуола библиотекаларын күнүгэр аналлаах декада оскуолабытыгар быйыл да тэрээһиннээхтик ыытылынна. Декада са5аланыытыгар ИБЦ – га улахаттарга «Новое поступление»,  кыра кылаас о5олоругар «С новой книгой назначена встреча» саӊа кинигэлэр быыстапкалара:» туруорулунна, Информация күннэрэ тэрилиннилэр. Быыстапканы о5олор да, учууталлар да олус сэргээн көрдүлэр, иһиттилэр. Саӊа кинигэлэри уларсан аахтылар. Кыргыттар нэдиэлэлэригэр анаан «Девчоночьи секреты» кинигэ быыстапката туруоруллан сэӊээриини ылла.

 

«Бичик» кинигэ кыһатыгар 2015с.  саха суруйааччыта А.Г.Старостин- Сиэн Кынат «Таптал умсул5ана» кинигэтэ бэчээттэнэн тахсыбыта.  А.Г.Старостин- Сиэн Кынаты уонна кини кэргэнин кытары  9, 10 кылаас о5олорунуун кѳрсүһүү гимназия5а тэрилиннэ. Бастакы  таптал уонна сиэр- майгы тематыгар суруйааччы кэргэнинээн о5олору кытары сүрдээх истиӊник кэпсэттилэр. Бу кѳрсүһүүгэ сылдьыбыт о5олорбут кылаастарыгар, до5отторугар кэлэн кэпсээн, санааларын үллэһиннилэр. Сатирик- поэт, икки сэрии кыттыылаа5а, буойун, биир дойдулаахпыт С.А.Саввин- Күн Дьирибинэ тѳрѳѳбүтэ 115 сааһын кѳрсѳ «Хорсун буойун, сатирик С.А.Саввин - Күн Дьирибинэ» кинигэ быыстапката тэрилиннэ. Улуустаа5ы о5о библиотекатын кытары кыттыһан 5, 6, 7 кылаастар икки ардыларыгар дьиэ кэргэнинэн «Күннүүн күлэр Күн Дьирибинэ» үгэ күрэ5э тэрилиннэ.

«Читающая мама+читающая семья+читающая Россия» - проект ылынан оскуола родкомнарын кытары тѳгүрүк остуол ыыттыбыт. Проект тула сүрдээх истиӊ кэпсэтии, санаа атастаһыыта, оскуола иитэр үлэтин былааныгар  киллэрэн ситимнээхтик дьиэ кэргэнинэн ыытыахха диэн түмүккэ кэллибит. В.В.Яковлев «Кытта кырдьыбыт тэӊӊэ тиит» кэпсээнэ «Тойон кыыл» киинэ» - кинигэ быыстапката туруоруллан, саха МО салайааччытыныын Яковлева Д.Н. тэрийиитинэн 10 гум кылаастарга ырытыы ыытылынна.

Комсомол 100 сылыгар аналлаах «Слава Комсомолу!» кинигэ быыстапката туруоруллубута.  9, 10, 11-с кылаастарга ыытыллыбыт «Комсомол – мин дьолум» кылаас чаастарын о5олор олус сэӊээрэн иһиттилэр. 26 чыыһыла5а улуустаа5ы киин библиотека5а Комсомол юбилейынан кѳлүѳнэ суруйааччылардыын кѳрсүһүүлэрэ тэриллэн, 10 гум кылаастар кыттыбыттара.  Алтынньы 29 к.- Комсомол тэриллибит күнүгэр оскуола5а 7- 11 кылаастарга торжественнай линейка тэрээһиннээхтик барда. Кыра кылаастарга Б.Заходер  100 сааһыгар аналлаах литературнай уруоктары УОБ үлэһитэ Константинова Д.Ф.- нан ыыттардыбыт. Уонна уруһуй конкурса ыытылынна. Ол түмүгүнэн миэстэлэспит үлэлэр сал5ыы улуустаа5ы конкурска аастылар.

ИБЦ сайта саӊардыллар. Школа5а «Читающий класс» күрэх биллэриллэн үлэ са5аланна. Ол чэрчитинэн «Живи, книга!» акция ыытылынна. Манна кылаастарынан учебниктары хайдах туталларын бэрэбиэркэлээһин буолла. Кылаас аайы библиотекардар кѳмѳлѳһѳѳччүлэрэ талыллан эппиэтинэстээхтик үлэлээтилэр. Күрэх түмүгэ саас муус устар ыйга тахсыа.