Версия для
слабовидящих

Больше . Сброс . Меньше

ОСНОВНОЙ САЙТ

2018с. Улуустааҕы дьиэ кэргэнинэн ааҕыы фестивала

Ахсынньы 8 күнүгэр  улуустааҕы дьиэ кэргэнинэн ааҕыы  фестивала буолбута. Онно биһиги оскуолаттан 2”ж” кылаастан Исаковтар дьиэ кэргэннэрэ ситиһиилээхтик кытынна: ийэлэрэ Степанида Алексеевна, уолаттара Ньургун 2 ”ж” кылаас, Айсен 5 саастаах

Конкурс 3 түһүмэхтээх: Бэйэни билиһиннэрии, юбилейдаах суруйааччылар: П.Н.Тобуруокап, Семен Данилов, А.Бродников хоһоонноругар  уус-уран ааҕыы уонна кинилэр айымньыларыгар оҥоһук. Төрөппүт Степанида Алексеевна олус талааннаах, оҕолоро дэгиттэр сайдыыларыгар олус кыһаллар, араас күрэхтэргэ, тэрээһиннэргэ кытыннарар үтүө киһи. Оҕолорунаан үһүөн юбилейдаах үс суруйааччылар хоһоонноруттан аахтылар. Оҥоһуктарын эмиэ аахпыт айымньыларынан оҥорбуттар. Тобуруокап «Тиэргэннээҕи зоопарк» хоһоонугар пластилинтан, кумааҕыттан сыалай ферманы; С.Данилов «Бастакы ньургуһун» фоамирантан олох тыыннаах ньургуһуннар курдук оҥоһук уонна А.Бродников «Куобахчаанын» точечнай роспиһынан оҥорон аҕалбыттар.

Түмүккэ «Уран оҥоһук» номинация хаһаайыттарынан буоллулар, сыаналаах бириистэринэн наҕараадаланнылар. Оҕолорун эргиччи сайдыылаах буола сайдалларыгар маннык ис сүрэхтэриттэн кыһаллар Степанида Алексеевнаҕа  улахан махталбытын тиэрдэбит.