Версия для
слабовидящих

Больше . Сброс . Меньше

ОСНОВНОЙ САЙТ

Муус устар 7 кунугэр В.С.Яковлев-Далан аатынан Кытаанах орто оскуолатыгар сылын аайы ыытыллар улуустаа5ы «Далан аа5ыылара»

Муус устар 7 кунугэр В.С.Яковлев-Далан аатынан Кытаанах орто оскуолатыгар сылын аайы ыытыллар улуустаа5ы «Далан аа5ыылара» научнай-практическай конференция буолан ааста. Быйылгы конференция саха дьахталларыттан бастакы ученай, филологическай наука доктора, профессор, Российскай Федерация наукаларын үтүөлээх деятелэ, ССРС Наукаларын Академиятын Сибиирдээ5и отделениятын ветерана, Чурапчы улууһун бочуоттаах гражданина, Е.И.Коркина төрөөбүтэ 100 сааһыгар ананна. Кини С.А.Новгородов научнай үлэлэрин түмэн «Первые шаги якутской письменности», «Во имя просвещения родного народа» диэн кинигэлэри таһаартарбыта.

Экспертэринэн үлэлээтилэр Гуманитарнай чинчийии уонна хотугу норуоттар а5ыйах ахсааннаах омуктар проблемаларын институтун директора Надежда Ивановна Данилова, научнай сотрудниктар Мария Афанасьевна Кириллина, Наталья Иннокентьевна Попова уонна Кытаанах, Сылан уопуттаах учууталлара.

Конференция  түөрт секциянан үлэлээтэ: «Е.И.Коркина оло5ун, үлэтин чинчийии», «В.С.Яковлев-Далан оло5ун, айар үлэтин чинчийии», «Историческай наукалар» уонна «Саха филологията уонна фольклор».

        Биһиги оскуолаттан түөрт о5о баран ситиһиилээхтик кыттан кэллэ. Ол курдук, Сивцева Ариана, 10гум кыл үөрэнээччитэ «Олох уонна литература тыыннаах ситимэ»,  Сивцев Артем, 7в кылаас үөрэнээччитэ «Но5оруодап үлэтэ үйэлэргэ сал5анар» диэн дакылааттарынан бэйэлэрин секцияларыгар бастакы миэстэни ыллылар. Говоров Степа, 8в кыл үөрэнээччитэ «Чурапчы литературнай картата», Захаров Коля «Ленинград блокадата Саха театральнай студеннарын дьыл5атыгар», 7б кылаас үөрэнээччитэ иккис миэстэ буоллулар.

        Конференция кыттааччыларыгар барыларыгар туоһу сурук уонна үөрүүлээх быһыыга-майгыга кыайыылаахтарга диплом туттарылынна.

       Гуманитарнай чинчийии уонна хотугу а5ыйах ахсааннаах омуктар проблемаларын институтун коллектива С.А.Новгородов төрүүбутэ 125 сылыгар анаан кини Петербург куоракка 1923 сыллаахха бэчээттэммит кинигэтин хос бэчээттээн таһааран кыайыылаахтарга туттарбыттара үөрүүлээх түгэн буолла. Бу кинигэни үйэтитэн 3D электроннай кинигэ оҥорбут дьоҥҥо биһиэхэ долгутуулаах, соһуччу бэлэх буолла. Онон бу институт коллективыгар, чуолаан  Надежда Ивановна Данилова5а С.А.Новгородов аатын сүгэр оскуола коллективыттан бар5а махталбытын тиэрдэбит. Үлэ5итигэр өссө үрдүк ситиһиилэри ба5арабыт.

 В.С.Яковлев-Далан биһиги оскуолабытыгар үлэлээбитинэн, «Дьикти саас» сэһэн прототиптара Далан үөрэппит, выпустаабыт о5олоро биһиги оскуола о5олоро буолалларыттан киэн туттабыт. Далан аатын үйэтитэн үлэлэһэрбит, аа5ыыларыгар кыттарбыт биһиги  иэспит диэн баран кыттан, кыайыы көтөллөнөн  кэлбиппитигэр үөрүүбүт улахан уонна тэрийээччилэргэ, Кытаанах орто оскуолатын коллективыгар, администрациятыгар бар5а махталбытын тиэрдэбит.